martes, 21 de febreiro de 2017

"Un monstro vén a verme"/nos cos clubeir@s de 3º A.













O grupo de clubeiros e clubeiras de 3º ESO A están a ler "Un monstro vén a verme". A pesar de que moitos deles xa foron ver a versión cinematográfica están a desfrutar con esta lectura porque poden atopar outros matices que non lles deu tempo a percibir na película que recrea esta novela.
Resultado de imaxes para un mostruo viene a verme

domingo, 19 de febreiro de 2017

"O lapis do carpinteiro"

Resultado de imaxes para o lapis do carpinteiro teatro
Cartel da adaptación teatral desta novela.
Un dos nosos grupos de 2º de bacharelato anda a ler O lapis do carpinteiro e na procura de bases históricas nas que se basea esta novela atopámonos con dúas personaxes históricas:


O pintor, Camilo Díaz Baliño e o doutor, Francisco Comesaña Rendo e a súa muller, Ascensión Concheiro García.



Historia das irmás Vida e Morte.

Entrevista a Manuel Rivas.

Un dos grupos do club de lectura de 2º de bacharelato anda mergullado nesta lectura.



Nesta entrevista, o escritor Manuel Rivas debulla unha parte do proceso de creación do libro, que estamos a ler cos clubs de letura de 2º de bacharelato, Todo é silencio. Así mesmo, tamén fai referencia ás relacións "eróticas" que teñen as súas obras, tanto esta, como A lingua das bolboretas do libro de relatos Que me queres, amor?, co cine.

Na primeira sesión, que dedicamos á lectura de Todo é silencio, debullamos, entre outras cousas, as relacións ente a literatura e o cine que aparecen na obra, nas  múltiples referencias cinematográficas e parámonos, tamén, a comentar a súa estrutura: "O silencio amigo" e "O silencio mudo".

N"O silencio amigo", as referencias literarias ó poema de Rosalía que aparece en Follas novas.
"Todo é silensio  mudo,
soidá,delor
onde outro tempo a dicha
sola reinou…"

"Nove Lúas ten un libro nas mans. Abriuno por abrir, mais foi pasando folla a folla e hai tempo que está ensumida na lectura
            - Que les?
            - Ten sucos de piollos,
            - E coméronlle as letras?
            - A ver, escribe!
            - Non sei. Non teño papel.
            - É igual, parvo! Escribe.Todo é silensio mudo …
            - Será silencio.
            - Pois aquí pon silensio. Por algo será." (páx. 61)
           
E n' "O silencio mudo" a do salmo 135 da Biblia,Canto dos elixidos. "Os ídolos dos xentís son prata e ouro, / feitura das mans dos homes. / Teñen boca e non falan, / teñen ollos e non ven, / teñen orellas e non oen / e non hai alento na súa boca. / Coma eles son os que os fan / e cantos neles confían". Nesta entrevista, o propio autor, engade unha frase pronunciada nun contexto brutal: " Non era dócil ó imperio da miña voz" para entender este silencio. Para seguir a profundizar nas fontes desta obra tamén é interesante a ligazón a esta entrevista do xornal El  País.

Na segunda sesión, que realizaremos mañá, compararemos varios aspectos da versión cinematográfica da película de José Luis Cuerda coa literaria que acabamos de ler.

mércores, 15 de febreiro de 2017

Lecturas dos nos@s clubeir@s no 2º trimestre

Nos nosos grupos de lectura estamos a ler:

  • Unha primavera para Aldara en 1º BACH A 
  • Un monstro vén a verme en 3º ESO A 
  • Enderezo descoñecido en 1º BACH B-C-D 
  • Astérix e Obélix en 3º ESO B 
  • O lapis do carpinteiro en 2º BACH C 
  • Todo é silencio en 2º BACH A-B 
  • Escarlatina, a cociñeira defunta en 1º ESO 
  • O neno do pixama con raias en 2º ESO

xoves, 12 de xaneiro de 2017

Grupo do club de lectura de 1º de ESO

Este ano o grupo do club de lectura de 1º de ESO ten un novo coordinador, o profesor Manuel Radío



Os nosos flamantes clubeiros e clubeira no primeiro trimestre leron:  Bala perdida de Manuel Rivas e no segundo van ler: Unha pantasma no colexio de Manuel Lourenzo González.